በሰው ኃብት ልማት ዙሪያ የግንዛቤ ማስጨበጫ ስልጠና ተሰጠ፡፡

በኢ... አየር ኃይል ደረጃ ለመምሪያ ኃላፊዎች እና ለሰው ኃብት ልማት ሙያተኞች የግንዛቤ ማስጨበጫ ስልጠና ተሰጠ፡፡
ከመከላከያ ሰው ሀብት ዋና መምሪያ ከፍተኛ አመራሮች 4 ተከታታይ ቀናት በተሰጠው የማጠቃለያ ስነ ስርዓት ላይ ተገኝተው ተጨማሪ ማብራሪያና ምላሽ በመስጠት የሥራ መመሪያ የሰጡት የመከላከያ የሰው ኃብት ልማት ዋና መምሪያ ኃላፊ / አጫሉ ሸለመ ናቸው፡፡
ኃላፊው በገለፃቸውም ስለ ሰው ኃብት አመራር ተግባራትና ተግዳሮቶችን ስለ ስራ ምዘናና ስለሚታዩ ችግሮች ስለ እድገት መመሪያዎች ስለሰው ኃብት አመራርና ልማት በመከላከያ ደረጃ ስለሚከናወን ተልዕኮ ሰፊ ማብራሪያ የሰጡ ሲሆን ከተሳታፊዎች ለተነሱ ጥያቄዎችም በቂ ማብራሪያና ምላሽ ሰጥተዋል፡፡
ጄኔራል መኮንኑ አክለውም የሰው ኃብት ስራ ሙያዊ ኃላፊነትን የሚጠይቅ የአስተዳደር ስራ መሆኑን ገልፀው ሰውን ለማብቃትና የውጊያ አቅምን ለማሳደግ በየደረጃው ያሉ አመራሮች እና ሙያተኞች ተቀናጅተው መስራት ይኖርባቸዋል ብለዋል፡፡
የኢ... አየር ኃይል ዋና አዛዥ / ይልማ መርዳሳ በበኩላቸው ተቋማዊ ለውጡን ለማፋጠን ስልጠና እንደ አንድ ትልቅ የለውጥ መሣሪያ ተወስዶ በሪፎርሙ እየተሰራበት መሆኑን ገልፀው በምንሰራበት የስራ መስክ ሁሉ በስራ አፈፃፀም ምዘናና በዳታ አያያዝና በመሰል የአስተዳድር ስራዎች የኃላፊነትና የሞራል ተጠያቂነት ሊኖረን ይገባል ብለዋል፡፡
የኢ... አየር ኃይል ምክትል አዛዥ ለሰው ኃብት ልማት / ይታያል ገላው በበኩላቸው እያንዳንዱ አመራርና አባል ከስልጠናው ባገኘነው እውቀት ተቋማዊ ለውጡን ለማሳካት የተሻለ ስራ መስራት ይጠበቅብናል በማለት ስልጠናውን ለሰጡት የመከላከያ አመራሮች ምስጋና አቅርበዋል፡፡

ምንም ዓይነት ተዛማጅ መረጃ አልተገኘም!