ሠራዊቱ ተልዕኮውን ከፖለቲካ ወገንተኝነት ነፃ ሆኖ መፈጸም ይኖርበታል ተባለ

 

የኢፌዴሪ መከላከያ ከፖለቲካ ወገንተኝነት በፀዳ መልኩ ተልዕኮውን መፈጸም እንደሚገባው የኢፌዴሪ  ጦር ኃይሎች ጠቅላይ ኤታ ማዦር ሹም ጄኔራል ሰዓረ መኮንን አሳሰቡ።

ጄኔራል መኮንኑ ይህንን ያሳሰቡት የመከላከያ አመራርነት የአቅም ግንባታ ማዕከል ለ3ኛ ጊዜ ያሰለጠናቸውን መኮንኖች በአስመረቀበት ወቅት በክብር እንግድነት ተገኝተው ባደረጉት የሥራ መመሪያ ንግግራቸው ነው።

ጄኔራል ሰዓረ አያይዘውም የኢፌዴሪ መከላከያ ከመላው የኢትዮጵያ ብሄር፣ ብሄረሰቦችና ህዝቦች የተውጣጣና በህገ-መንግሥቱ የተቋቋመ በመሆኑ፣ ወገንተኝነቱም ለህገ-መንግሥቱ ብቻ እንደሆነም ተናግረዋል።

በሀገራችን እየታየ ያለው ሠላምና የለውጥ ሂደት የማይዋጥላቸው ኃይሎች የሚፈጥሩትን ሠላም የማደፍረስ ሂደት ሠራዊቱ ህገ-መንግሥታዊ መርሆውን በተከተለ መንገድ ሊከላከል እንደሚገባው እና ሠራዊቱ ለየትኛውም የፖለቲካ ድርጅት ሳይወግን ሀገሩን የመጠበቅ ኃላፊነት ስላለበት በተለያዩ አካባቢዎች የተከሰቱትን ችግሮች ለመፍታት ከመንግሥት የተሰጠውን ግዳጅ ኃላፊነት በተሞላበት መንገድ መፈጸም እንዳለበት አሳስበዋል።

ተመራቂዎችም በረጅም ጊዜ በሠራዊት ቆይታቸው ያገኙትን ልምድ ከማዕከሉ ሥልጠና ጋር በመደመር ለተሻለ ሥራ መነሳሳት ይጠበቅባቸዋል ብለዋል።

የመከላከያ አመራር አቅም ግንባታ ማዕከል አዛዥ ሜጄር ጄኔራል ፍስሃ ኪዳነ ማርያም በበኩላቸው፤ የሥልጠናው አካሄድ በተግባር ላይ ትኩረት ያደረገ እንደነበር ገልጸው፤ ከተመደበው የሥልጠና ሰዓት ውስጥ ለዋና አቅራቢዎች አነስተኛ ጊዜ እና ለሠልጣኝ መኮንኖች ከፍተኛ ጊዜ በመመደብ የልምድ ልውውጣቸውን ይበልጥ እንዲያጠናክሩ ዕድል የሰጠ ነበር ብለዋል።

ካነጋገርናቸው ሠልጣኝ መኮንኖች መካከል ሻለቃ ኤርሚያስ ኤቼ በሰጡት አስተያየት፤ “በዚህ የአመራርነት ሥልጠና ላይ ከሥልጠናው ያገኘነው ግንዛቤ እጅግ ከፍተኛ ነው። በተለይም በህገ-መንግሥቱ ዙሪያ ሰፋ ያለ ዕውቀት እግኝተናል። በምንሄድበት አሀድም ያገኘነውን ዕውቀት ለማካፈል ዝግጁ ነን” ብለዋል።

ሌላው ተመራቂ መኮንን ሻለቃ ቴዎድሮስ ግዛው በበኩላቸው፤ የአቅም ግንባታ ትምህርትና ሥልጠና በማግኘታቸው ከፍተኛ የሆነ አቅም መፍጠራቸውን ገልፀዋል።

ምንም ዓይነት ተዛማጅ መረጃ አልተገኘም!
በብዛት የተነበቡ የኢፌዲሪ ጠቅላይ ሚኒስትርና የጦር ኃይሎች ጠቅላይ አዛዥ ክቡር ዶ/ር አብይ አህመድ በጀኔራሎቹ ሹመት ስነ-ስርዓት ላይ ያስተላለፉት መልዕክት
የኢፌዲሪ ጠቅላይ ሚኒስትርና የጦር ኃይሎች ጠቅላይ አዛዥ ክቡር ዶ/ር አብይ አህመድ በጀኔራሎቹ ሹመት ስነ-ስርዓት ላይ ያስተላለፉት መልዕክት
ኢትዮጵያውያን ሁሉ በተፈጥሮ ወታደሮች ናቸው፡፡ የኢትዮጵያ ወታደሮች ደግሞ የተፈጥሮ ወታደርነትን ከዘመናዊ ስልጠናና ከዲስፕሊን ጋር ያዋሀዱ ምርጦች ኢትዮጵያውያን ናቸው፡፡ ይህ ነው...
ታህሳስ 26 04 2012 መከላከያ ቴሌቪዥን ዜና
Video poster
በሰው ኃብት ልማት ዙሪያ የግንዛቤ ማስጨበጫ ስልጠና ተሰጠ፡፡
በሰው ኃብት ልማት ዙሪያ የግንዛቤ ማስጨበጫ ስልጠና ተሰጠ፡፡
በኢ.ፌ.ዲ.ሪ አየር ኃይል ደረጃ ለመምሪያ ኃላፊዎች እና ለሰው ኃብት ልማት ሙያተኞች የግንዛቤ ማስጨበጫ ስልጠና ተሰጠ፡፡ ከመከላከያ ሰው ሀብት ዋና መምሪያ...
ጥር 03 05 2012 መከላከያ ቴሌቪዥን ዜና
Video poster
የመከላከያ ጤና ዋና መምሪያ የሴቶች ጉዳይ የግንዛቤ ማስጨበጫ ውይይት አካሄደ
የመከላከያ ጤና ዋና መምሪያ የሴቶች ጉዳይ የግንዛቤ ማስጨበጫ ውይይት አካሄደ
የመከላከያ ጤና ዋና መምሪያ የሴቶች ጉዳይ በጦር ሃይሎች ከምፕሬሄንሲቭ ስፔሻላይዝድ ሆስፒታል በመገኘት የግንዛቤ ማስጨበጫ ውይይት አካሄደ፡፡