ድጋፍ ሰጪና ሄሊኮፕተር ዩኒቶች የሜዳሊያ በአላቸውን አከበሩ

 

በአብዬ ሠላም ማስከበር ተልዕኮ ላይ የሚገኙት የድጋፍ ሰጪ እና የሄሊኮፕተር ዩኒት የሠላም አስከባሪ ኃይል አባላት የሜዳሊያ በአላቸውን አከበሩ።

በድጋፍ ሰጪ ዩኒት በተካሄደው የሜዳሊያ አሰጣጥ ሥነ-ሥርዓት ላይ በክብር እንግድነት በመገኘት በግዳጅ አፈፃፀማቸው የላቀ ውጤት ላስመዘገቡ አባላት የተዘጋጀላቸውን ሽልማትና ሜዳሊያ ያጠለቁት የዩኔስፋ የበላይ ጠባቂ ተወካይና የኃይል አዛዥ ሜጀር ጄኔራል ገብረ አድሃና ናቸው።

ጄኔራል መኮንኑ በዕለቱ እንደተናገሩት፤ የኢትዮጵያ ሠላም አስከባሪ ሠራዊት በተሰማራበት ግዳጅና ቦታ ሁሉ ሀገሩን ስለሚያስብ ተደራጅቶ ስለሚሰራና ግዳጁንም በጀግንነት ስለሚወጣ ውጤታማ መሆን አስችሎታል። ዩኒቱም የዚህ ሠራዊት አካል በመሆኑ ስኬታማ ለመሆን ችሏል ብለዋል።

የድጋፍ ሰጪ ዩኒቱ አዛዥ ሻለቃ ዘመዱ ደሱ በበኩላቸው፤ ዩኒቱ ለዋናው ማዘዣ ተልዕኮዎች ስኬት የራሱን ድርሻ እየተወጣ ያለ መሆኑን ጠቁመው፤ በግዳጅ አፈፃፀም ሂደቱም ውጤታማ ተግባር ማከናወኑን ገልፀዋል ሲል የዩኒቱ ሪፖርተር መ/አለቃ ክንፈ አስገዶም ከስፍራው ያደረሰን ዘገባ ያመለክታል።

በተመሳሳይ ዜናም በአብዬ የሠላም ማስከበር ተልዕኮ ላይ የሚገኘው የ6ኛው ዙር ሄሊኮፕተር ዩኒት አባላት የሜዳሊያ በአላቸውን አከበሩ።

በበዓሉ ላይ በመገኘት በሥራ አፈፃፀማቸው ውጤታማ ለሆኑ አባላት ሽልማት በመስጠትና ሜዳሊያ በማልበስ የሥራ መመሪያ ንግግር ያደረጉት የዩኔስፋ ኃይል አዛዥና የበላይ ጠበቂ ተወካይ ሜጀር ጄኔራል ገብረ አድሃና ናቸው።

ጄኔራል መኮንኑ እንደተናገሩት፤ የዩኒቱ አባላት የሀገርን አደራ ተቀብለው ማንኛውንም ችግሮች በጽናት በመቋቋም ወንድም ለሆነው ጎረቤት ሀገር ሠላም እያበረከቱት ያለው አስተዋጽኦ እጅግ ከፍተኛ ነው።

የሄሊኮፕተር ዩኒት አዛዥ ሌተና ኮሎኔል ተሾመ ባጫ በበኩላቸው፤ የዩኒቱ አመራርና አባላት የነበራቸውን ሙያዊ ልምድ በመጠቀም ህዝብና መንግሥት የሰጧቸውን አደራ ከግብ ለማድረስ ሌት ተቀን በመረባረብ የሀገራችንን የአቪዬሽን አቅም ወደ ተግባር በመለወጥ የሠላም ማስከበር ግዳጆቻችንን በላቀ ብቃት በመፈጸም ለዛሬው የሜዳሊያ ቀን ደርሰናል። ማለታቸውን የዩኒቱ ሪፖርተር ማስተር ቴክኒሽያን ፍቃዱ አሸቱ ከስፍራው ያደረሰን ዘገባ ያመለከታል።

ምንም ዓይነት ተዛማጅ መረጃ አልተገኘም!
በብዛት የተነበቡ የክቡር የጦር ኃይሎች ጠቅላይ ኤታማዦር ሹም ጄኔራል ሰዓረ መኮንን የህይወት ታሪክ
የክቡር የጦር ኃይሎች ጠቅላይ ኤታማዦር ሹም ጄኔራል ሰዓረ መኮንን የህይወት ታሪክ
ጄኔራል ሰዓረ መኮንን ከአባታቸው ከ፲አለቃ መኮንን ይመር አና ከእናታቸው  ከወ/ሮ ሂይወት ይህደጎ ተላ በትግራይ ክልል በሰሜን ምዕራብ ዞን አስገደ ምጽብላ...
ፋውንዴሽኑ የጋራ መኖሪያ ቤቶችን ለተጠቃሚዎች ሊያስረክብ ነው
ፋውንዴሽኑ የጋራ መኖሪያ ቤቶችን ለተጠቃሚዎች ሊያስረክብ ነው
የመከላከያ  ፋውንዴሽን  በመጀመሪያ ዙር ያስገነባቸውን 112 የጋራ መኖሪያ ቤቶች በቅርቡ ለሠራዊቱ በዕጣ ለማስተላለፍ ዝግጅት መጠናቀቁን የመከላከያ ሠራዊት ፋውንዴሽን ዋና ስራ...
የመከላከያ ኮንስትራክሽን ኢንተርፕራይዝ ውጤታማ ስራ ማከናወኑ ተገለጸ
የመከላከያ ኮንስትራክሽን ኢንተርፕራይዝ ውጤታማ ስራ ማከናወኑ ተገለጸ
የመከላከያ ኮንስተራክሽን ኢንተርፕራይዝ  በ2011 የበጀት አመት በርካታ ዉጤታማ ስራዎች ማከናወኑ ተገልጿል፡፡
ኮሌጁ ሶስተኛውን ሀገር አቀፍ የምርምር ኮንፈረንስ አካሄደ
ኮሌጁ ሶስተኛውን ሀገር አቀፍ የምርምር ኮንፈረንስ አካሄደ
የመከላከያ ዩኒቨርሲቲ ኢንጂነሪንግ ኮሌጅ ሦስተኛውን ሀገርአቀፍ የምርምር ኮንፈረንስ አካሄደ።
ሰኔ 14 10 2011 መከላከያ ሬዲዮ ዜና