ጄኔራል ሣሞራ የኑስ እጅግ ከፍተኛ ወታደራዊ ኒሻን ተሸለሙ

 

የኢፌዴሪ ፕሬዚዳንት ክቡር ዶክተር ሙላቱ ተሾመ የጦር ኃይሎች ጠቅላይ ኤታማዦር ሹም ሆነው ሀገራቸውን በቅንነትና በታማኝነት ላገለገሉት ጄኔራል ሳሞራ የኑስ የሀገሪቱን እጅግ ከፍተኛ ወታደራዊ ኒሻን ሸለሙ ፡፡

ፕሬዚዳንቱ ለክቡር ጄኔራል ሳሞራ የኑስ ሽልማቱን የሰጡት በሠራዊት ግንባታ ላስገኙት ውጤትና ላሳዩት በሳል የአመራርነት ብቃት የኢትዮጵያ ህዝብና መንግሥት ያላቸውን ክብር ያረጋገጡበት ደማቅ የአ ሸኛኘት ሥነ - ሥርዓት ግንቦት 30 ቀን 2010 ዓ.ም በብሄራዊ ቤተ- መንግሥት  በተዘጋጀበት ዕለት ነው ፡፡               

በሥነ - ሥርዓቱ ላይ ጄኔራል ሳሞራ የኑስ ላለፉት 42 ዓመታት ከተዋጊነትና አዋጊነት አንስቶ እስከ ጦር ኃይሎች ጠቅላይ ኤታማዦር ሹምነት የደረሱ ታላቅ መሪ መሆናቸውንና በስራ ዘመናቸውም የአመራርነት ብቃታቸውንና ፖለቲካዊ ብስለታቸውን ማስመስከራቸው  ተገልጿል። 

የእውቅና ፣ የሽልማትና ፣የአሸኛኘት ሥነ- ሥርዓቱ ጀኔራል ሳሞራ የኑስ የተሰጣቸውን ሀገራዊ ተልዕኮ በታላቅ ጀግንነትና ተጋድሎ በብቃት በመወጣታቸው ክብር ለመስጠት የተከናወነ መሆኑን የኢፌዴሪ ጠቅላይ ሚኒስትር ክቡር ዶክተር አብይ አህመድ ገልፀዋል ፡፡

ከኢትዮጵያ ህዝብና መንግስት የተሰጣቸው ክብርና ሽልማት መላው የኢፌዴሪ መከላከያ ሠራዊት አባላት  ለህገ - መንግስታዊ ሥርዓቱና ለህዝቡ ብቻ የሚያገለግሉ መሆናቸውን በተግባራዊ ሥራዎቻቸው በማረጋገጣቸው  የተሰጠ  ዕውቅና መሆኑን የተናገሩት ጄኔራል ሳሞራ የኑስ ለዚህ ታላቅ ክብር በመብቃታቸውም ምስጋና አቅርበዋል፡፡

 

 

ምንም ዓይነት ተዛማጅ መረጃ አልተገኘም!